- 68 -

1482. Februar 6.

Nos Frater Petrus divina paciencia Abbas Monasterij in Ruda, Notum facimus memorie commendantes omnibus et singulis hanc paginam nostram legentibus tam presentibus quam eciam futuris, Quia Honestus et Providus Vir Michael fidelis noster dilectus et iure debito subiugalis Ville videlicet nostre Scultetus in Zernik, nostram veniens in presenciam nobis detegere et exponere curavit in hunc modum, Quomodo ipse multis imo magnitaxis (magni- taxi) occasionibus et negligentijs suorum progenitorum ac antecessorum occurrentibus, tum propter gwerrarum insultus, tum eciam alijs disturbijs interiectis, sua propria munimenta literasque ac literalia instrumenta casu infortuno (infortunio) super ipsam Scultetiam perdidisset, et quo fecissent ignorat penitus. Ob idem de favore nostro speciali confisus, nobis occurrens rogitando supplicavit, ut gracialiter sue peticioni inclinati huiusmodi litteralia instrumenta amissa et perdita eidem innovare, instaurare de novo dignaremur, Vbi inter cetera alia peticione occurrente sincerius subiunxit, ut sibi unam propulsionem ovium servare, fovere, nutrire ibidem in possessione ad campestria seu pascua secure cum gregibus abs omni impedimento propellere, pro usu fructu sue melioracionis tenore admitteremus. Nos igitur attenta in ipso Sculteto benevolencia et humili peticione in qua persistebat, hec omnia gratuito favore annuimus, et propter futura bona occurrencia acquievimus, condicione sub tali, prout tenor originalis Privilegij super ipsam Scultetiam in Zernik dictat sonorose, cuius forma et processus est talis: Quia etc. (N. XVII).
Igitur ad premissa nos ex superius annotata promotoriali proposicione (primordiali positione) illud quod ad petita dicti Sculteti gracialiter promisimus, ratum, firmum eidem tenemus, et (At) ubi omnibus sopitis (scriptis) determinatis, et secundum condictamentum (condictamen) inter nos cum Sculteto peractis, Noverint (noviter) se idem Scultetus cum suis Posteris heredibus per heredes Monasterio nostro racione trium Piscinarum per eum fundatarum (f. seu constructarum) omni tempore annua (annuo) per tempora decem et octo großos monete interim currentis super festum S, Michaelis Archangeli obligaturum (obligatum). In cuius rei testimonium hec nostra scripta titulo sigilli nostri Abbatialis chirographata iussimus sub appensione publica roborarj. Datum ipso die Dorothee Virg. et Mart. nostro in Monasterio Ruda A. D. Mill. Quadringentesimo Octuagesimo Secundo.

Notarielle Abschrift von 1659 nach einem früheren Transsumt der Stadt Gleiwitz, mit den in Klam¬mern zugesetzten Varianten einer andern Abschrift.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 2, Urkunden der Klöster Rauden und Himmelwitz, der Dominicaner und Dominicanerinnen in der Stadt Ratibor. Hrsg von dr. W. Wattenbach, Breslau 1859.